School ki Dosti

By: Palak

Mile to the ajnabi bankar,
Reh gaye phir dost bankar,
Ye baat tab ki hai, jab hum 2 choti banakar school jaya karte the,
Late hone par 100 bahane banaya karte the.
Aadhi-aadhi books le jana firat thi humari,
Kya kare aakhir dosti gehri thi humari.
Phir usi book ke 3 parts hua karte the,
Jab sir books check kiya karte the.
Kaise bhul jaaye wo yaarana humara, jab samose ki papdi or aalu ka hota tha batwra.
School se aakar tution bhi jana tha, 
Tution to bahana tha maksad to golgappe khana tha.
Phir ek dor aaya, jab bhari thi ek nayi udaan, khuli aankhon se sapne sajaye the, aakhir college ke din jo aaye the.
College jaya karte the, tripling kiya karte the, dekh ke CPU ko, raste badla karte the.
Suhane wo din hua karte the, jab prakash or patiz point humare thikane hue karte the.
Wo yaadein aaj bhi bhaut aati hai, bachpana tha jin baato mein wo aaj bhi aankein bhar jaati hai.