Dastaan-e-khauf

By: Tarun

Wo aankho me nami thi,

Lekin kuch kr skti nhi,

Apne badan pe un hathoon ko mehsos kr skti thi,

Lekin bol kuch skti nhi.

Aaj huyi insaaniyat fir sharmsaar,

Jb us nadaan se chehre pe haiwaniyat bhari padi hai,

Jala do USI tarah haiwano ko,

Jaise jalaya tha usey krke uska balatkaar

Hasti khelti anjaan aane wale manzar se,

Jb gala uska kaat Diya haiwan ne khanjar se,

Ruka to abhi nhi wo,

Abhi kuch aur krna shayad baaki tha,

Koi aur nhi wo bhi humare samaj ka hi ek paapi tha.

Ye glti nhi samaj ki haiwaniyat ka dosh hai,

Kapde uske chote nhi choti unki soch hai,

Shayad nhi rhi koi ladki mehfooz,

Isi baat ka ab mujhe afsos hai

Tu to mombatti jalakr do aanso roega,

Mujhe bta beti khokar kaise baap wo chain ki neend soega.

Arey kuch kr sharam aur jaake dekh Teri Ghar me bhi ek naari hai,

Jo tujhe bhi Teri jindagi se jyada pyaari hai,

Fir Kyu tu un naariyo pe gandi Nazar daalta hai,

Jb dekhta hai apni maa behen ko to apni nazarey Kyu sambhalta hai.

Mahila suraksha ab kanoon nhi bs mudda bnke rh gya hai,

Surakhsa kanoon ka to pta nhi lekin ram mandir jaroor bngya hai.

Arey mandir ka Kya krenge jb mata hamari surakshit nhi,

Teen talak to aapne hta Diya pr behene Meri abhi mehfooz nhi.

Aankhein nam hai Meri ,behen ko Bahar bhejne se katrata hu,

Kb sudhrega ye desh Mera isi soch me pad jata hu.

Dekhta hu kisi nanhi si jaan ko akele to kuch der whi theher jaata hu,

Pass jata nhi uske lekin dur khade hoke hi usey bachata hu.

Koshish krta hu awaaz uthane ki,

Lekin muftkhoro ke dar se sehem jaata hai,

Jo Jeet ta hai election isi vaade pe,

Aur baad me isi se mukar jaata hai,

Aur awaaz uske khilaaf uthao,

To uska chamcha Hume uthake le jaata hai.

Tarun